Kya gharz lakh khudai mein hoon daulat wale
Un ka banda hoon jo bande hain mohabbat wale
Chahen gar chara-e-jarahat ka mohabbat wale
Bechen almas o namak sang-e-jarahat wale
Gaye jannat mein agar soz-e-mohabbat wale
To ye jaano rahe dozak hi jannat wale
Saqiya hoon jo subuhi ki na aadat wale
Subh-e-mahshar ko bhi uthen na tere matwale
Rahe joon shisha-e-saat wo mukaddar donon
Kabhi mil bhi gaye do dil jo kudurat wale
Kis marz ki hain dawa ye lab-e-jaan-bakhsh tere
Jaan ba-lab hain tere aazar-e-mohabbat wale
Hirs ke phailte hain paaon ba-qadr-e-wusat
Tang hi rehte hain duniya mein faraghat wale
Haaye re hasrat-e-didar meri haaye ko bhi
Likhte hain haaye do-chashmi se kitabat wale
Nahin juz shama mujawar meri baleen-e-mazar
Nahin juz kasrat-e-parwana ziyarat wale
Na shikayat hai karam ki na sitam ki khwahish
Dekh to hum bhi hain kya sabr o qanaat wale
Kya tamasha hai ke misl-e-mah-e-nau apna farogh
Jaante apni haqarat ko hain shohrat wale
Dil se kuch kehta hoon main mujh se hai kuch kehta dil
Donon ek haal mein hain ranj o museebat wale
To jo aa jaye to ae dard-e-mohabbat ki dawa
Mere hamdard hoon be-dard fazihat wale
Chhod dete hain qalam joon qalam-e-aatish-baz
Meri sharh-e-tapish-e-dil ki kitabat wale
Kabhi afsos hai aata kabhi rona aata
Dil-e-bimar ke hain do hi iyadat wale
To mere haal se ghafil hai par ae ghaflat-kesh
Tere andaz-e-taghaful nahin ghaflat wale
Naz hai gul ko nazakat pe chaman mein ae Zauq
Us ne dekhe hi nahin naz o nazakat wale
کیا غرض لاکھ خدائی میں ہوں دولت والے
ان کا بندہ ہوں جو بندے ہیں محبت والے
چاہیں گر چارہ جراحت کا محبت والے
بیچیں الماس و نمک سنگ جراحت والے
گئے جنت میں اگر سوز محبت والے
تو یہ جانو رہے دوزخ ہی جنت والے
ساقیا ہوں جو صبوحی کی نہ عادت والے
صبح محشر کو بھی اٹھیں نہ ترے متوالے
رہے جوں شیشۂ ساعت وہ مکدر دونوں
کبھی مل بھی گئے دو دل جو کدورت والے
کس مرض کی ہیں دوا یہ لب جاں بخش ترے
جاں بہ لب ہیں ترے آزار محبت والے
حرص کے پھیلتے ہیں پاؤں بہ قدر وسعت
تنگ ہی رہتے ہیں دنیا میں فراغت والے
ہائے رے حسرت دیدار مری ہائے کو بھی
لکھتے ہیں ہائے دو چشمی سے کتابت والے
نہیں جز شمع مجاور مری بالین مزار
نہیں جز کثرت پروانہ زیارت والے
نہ شکایت ہے کرم کی نہ ستم کی خواہش
دیکھ تو ہم بھی ہیں کیا صبر و قناعت والے
کیا تماشا ہے کہ مثل مہ نو اپنا فروغ
جانتے اپنی حقارت کو ہیں شہرت والے
دل سے کچھ کہتا ہوں میں مجھ سے ہے کچھ کہتا دل
دونوں اک حال میں ہیں رنج و مصیبت والے
تو جو آ جائے تو اے درد محبت کی دوا
میرے ہمدرد ہوں بے درد فضیحت والے
چھوڑ دیتے ہیں قلم جوں قلم آتش باز
میری شرح طپش دل کی کتابت والے
کبھی افسوس ہے آتا کبھی رونا آتا
دل بیمار کے ہیں دو ہی عیادت والے
تو مرے حال سے غافل ہے پر اے غفلت کیش
تیرے انداز تغافل نہیں غفلت والے
ناز ہے گل کو نزاکت پہ چمن میں اے ذوق
اس نے دیکھے ہی نہیں ناز و نزاکت والے
क्या ग़र्ज़ लाख ख़ुदाई में हूँ दौलत वाले
उन का बंदा हूँ जो बंदे हैं मोहब्बत वाले
चाहें गर चारा-ए-जराहत का मोहब्बत वाले
बेचें अल्मास ओ नमक संग-ए-जराहत वाले
गए जन्नत में अगर सोज़-ए-मोहब्बत वाले
तो ये जानो रहे दोज़ख़ ही जन्नत वाले
साक़िया हूँ जो सुबहि की न आदत वाले
सुब्ह-ए-महशर को भी उठें न तेरे मतवाले
रहे जूँ शीशा-ए-साअत वो मुकद्दर दोनों
कभी मिल भी गए दो दिल जो कुदूरत वाले
किस मर्ज़ की हैं दवा ये लब-ए-जाँ-बख़्श तेरे
जाँ ब-लब हैं तेरे आज़ार-ए-मोहब्बत वाले
हिर्स के फैलते हैं पाँव ब-क़द्र-ए-वुसअत
तंग ही रहते हैं दुनिया में फ़राग़त वाले
हाए रे हसरत-ए-दीदार मेरी हाए को भी
लिखते हैं हाए दो-चश्मी से किताबत वाले
नहीं जुज़ शम्अ मुजावर मेरी बालीन-ए-मज़ार
नहीं जुज़ कसरत-ए-परवाना ज़ियारत वाले
न शिक़ायत है करम की न सितम की ख़्वाहिश
देख तो हम भी हैं क्या सब्र ओ क़नाअत वाले
क्या तमाशा है कि मिस्ल-ए-माह-ए-नौ अपना फ़रोग़
जानते अपनी हक़ारत को हैं शोहरत वाले
दिल से कुछ कहता हूँ मैं मुझ से है कुछ कहता दिल
दोनों एक हाल में हैं रंज ओ मुसीबत वाले
तो जो आ जाए तो ऐ दर्द-ए-मोहब्बत की दवा
मेरे हमदर्द हूँ बे-दर्द फ़ज़ीहत वाले
छोड़ देते हैं क़लम जूँ क़लम-ए-आतिश-बाज़
मेरी शर्ह-ए-तपिश-ए-दिल की किताबत वाले
कभी अफ़सोस है आता कभी रोना आता
दिल-ए-बीमार के हैं दो ही इयादत वाले
तो मेरे हाल से ग़ाफ़िल है पर ऐ ग़फ़लत-केश
तेरे अंदाज़-ए-तग़ाफ़ुल नहीं ग़फ़लत वाले
नाज़ है गुल को नज़ाकत पे चमन में ऐ ज़ौक़
उस ने देखे ही नहीं नाज़ ओ नज़ाकत वाले
Shaikh Ibrahim Zauq